قعدت كتير أفكر .. أبتدى منين الحكاية ( قصدى البلوج يعنى)
و خصوصا أنى لسة جديد فى الموضوع ده.
و لما لقيت رمضان هل علينا .. قلت ممكن تكون دى فاتحة خير.
و قلت ابتدى مع بداية رمضان ..
مش هتطول كتير .. لأنى صايم السنة دى ..
زى كل سنة ياخفيف...
رغم كدة ( أن الصيام كل سنة) لكن كل سنة بيكون له طعمه الخاص.
ذكرياتنا كلنا مع رمضان ليها طعم الخشاف و البلح...
و ليها ريحة الكنافة و القطايف ...
و فرحة زحمة العزومات...
أما أهم حاجة ... فهو أشكال و الوان فانوس رمضان.
من أيام ما كنا بنلعب بالموديلات الصفيح.. إللى بتعور إيدينا...
و الشمع إللى بيلسوع ( حلوة بيلسوع دى.. أول مرة اشوفها مكتوبة) صوابعنا..
دة كان على أيامنا الغابرة إللى دايما بنفتكرها و نقول عليها حلوة ...
أما دلوقتى .. فى عصر العيال النت..
فالفوانيس بلاستيك خفيفة .. بتنور بالبطاريات ..
وكمان بتغنى كل اللى نفسك فيه...
من أول الأغانى الرمضانية الشهيرة زى وحوى يا وحوي
أو حاللو ياحاللو رمضان كريم يا حاللو
لغاية الأغانى الهبابية .... أقصد الشبابية....
المهم ينبسطوا... وكل عام و الكل بخير ...
الاشتراك في:
تعليقات الرسالة (Atom)
هناك 7 تعليقات:
كل سنه وانتي طيبه
رمضان كريم
الأخت كيارا:
أولا كل سنة و أنتى بألف خير و ثانياأنا بشكرك على زيارتك و خصوصا أنك أول واحدة تشرفنى و أن شاء الله أردها لك... أما آخر حاجة و أتمنى ما تزعلكيش هو أنى شخص و لست شخصة... مع كامل إحترامى للجنسين
الله أكرم
وده يسعدني اني اكون اول زياره لمدونتك
وكوووول سنه وانـــــــت طيب
اشطه كدا:)
تمام يا فندم.
يا عم بوبوس يا اصيل
كلامك يروق كل عليل
رمضان صيام وقيام وسحور
اوعاك تقصر في التراتيل
كل سنة وانت طيب
و عجبى .. بشكرك يا باشا..
و ألف مبرو .. مبروك يعنى .. على البلوج الجديد.. تملاه بعرق العافية..
و كل سنة و أنت بخير
ana men geel shabab net.. kont 3asert el fawanees elly bel sham3 we tatawart le7ad ma ba2et tenawar bel batarya.. andI stoppd after that..
ramadan kareem men al kaarra al amerikiya... belmonasbah ana hena 3andy fanoos 7adeed bel sham3.. we mates2alneesh gebtoh meneen we ezay .. :)
إرسال تعليق